26 abr. 2017

ABRIL: MES DOS LIBROS

    Abril é o mes por excelencia dos libros, xa que o día tres celébrase o Día do libro infantil e xuvenil, e o vinte e tres, o Día do libro. Pero estas datas non terían razón de ser se non houbera lectoras e lectores, se non houbera autoras e autores, e sobre todo, se non houbera unhas  ideas personalizadas que compartir.

  O alumnado de sexto coñeceu a Tomás González Ahola e Héctor Cajaraville, autores, respectivamente, de Alaia e a deusa e de Quen dá a quenda. Os de segundo e terceiro tiveron unha longa sesión con Xelís de Toro, de quen leran O trompetista e a Lúa  e O gato fantasma.

     Unhas sesións que sempre recordarán e que, de seguro, desenvolverán o seu gusto por achegarse á linguaxe escrita.



No hay comentarios:

Publicar un comentario