30 XANEIRO: DÍA ESCOLAR DA PAZ E DA NON VIOLENCIA

Desde a biblioteca do noso colexio compartimos con vós as actividades que fixemos para celebrar o Día da Paz: mural con desexos para a Paz do Planeta, mapa con códigos QR con información de persoeiros que loitaron polo medio ambiente e a elaboración dun Kahoot polo alumnado de 6º, realización de símbolos da Paz con material de refugallo..., así como un trivial e un xogo de adiviñar quen dixo a frase, estes publicados no blog do CEIP Santa María do Valadouro.

Hoxe o alumnado que asistiu á biblioteca tivo a oportunidade de facer mandalas e chapas para CELEBRAR O DÍA DA PAZ E DA NON VIOLENCIA.

OS CLUBS DE LECTURA XA EMPEZARON NO PRIMEIRO TRIMESTRE...E SEGUIMOS!!

ENCONTROS LECTORES da Biblioteca Helena Villar. 

 E se queres inscribirte no de xaneiro, mándanos un correo ao enderezo encontroslopezferreiro@gmail.com no que indiques o teu nome e apelidos e o exemplar que desexas reservar.

RECOMENDACIÓNS LECTORAS DA BIBLIOTECA HELENA VILLAR PARA ESTE NADAL

3 DE DECEMBRO - LECTURAS E PELÍCULAS DIVERSAS PARA XENTE DIVERSA

VOLVEN OS ENCONTROS LECTORES!!

 

O vindeiro mércores 23 de novembro volvemos citarnos coa lectura:

- Para quen se inicia na lectura, unha obra que axuda a reflexionar sobre as normas que rexen as relacións sociais: Como se di, de  Alvarellos editora, con autoría de Lawrence Schimel e ilustrado por Thiago Lopes.

- E para quen ten autonomía lectora (xerlamente, de 3º para adiante), comentaremos a historia dunha rapaza que cambiou o rumbo da litertura infantil: Pippi Mediaslongas, en calquera das súas versións.

Acompáñanos este mércores ás cinco da tarde. Pode haber sorpresas!

PREMIOS II CONCURSO DE PORTAS TERRORÍFICAS

Coa celebración do magosto fixemos entrega na biblioteca dos premios do II CONCURSO DE PORTAS TERRORÍFICAS . Ao alumnado gañador de  educación infantil entregoulle o premio o alumnado gañador de educación primaria, e o alumnado gañador de primaria recibiu o premio dos nenos e nenas de infantil.

Parabéns a todos e todas!

Xa temos os carnés do alumnado, profesorado e das aulas. Mirade que chulos quedaron! A gozar cos materiais da biblioteca Helena Villar, o luns empezamos.