25 ene 2020

30 DE XANEIRO: DÍA DA PAZ



Estamos a punto de celebrar o Día da Paz. Este curso, no CEIP López Ferreiro, queremos recoñecer o importante labor de catro mulleres que participaron (dúas aínda participan) de forma activa para mellorar o mundo que nos rodea.
Cada unha fíxoo de forma diferente e implicouse en distintas loitas, pero todas elas importantes. O suficientemente importantes para que lles fora outorgado o Premio Nobel da Paz.

Estamos a falar de Emily Greene (Premio Nobel da Paz no ano 1946), Rigoberta Menchú (no 1992), Wangari Maathai (no 2004) e Malala Yousafzai (no 2014).



Para coñecelas un pouco máis o Equipo da Biblioteca preparou uns materiais que esperamos sexan do voso gusto.

Profundizamos un pouco e coñecémolas ás catro:





Un póster interactivo GLOGSTER, podedes velo se abrides o seguinte enlace, asegurádevos de premer en cada imaxe do póster.




Dez preguntas para repasar a presentación con Educaplay:





Tamén preparamos un libro interactivo LIM. Se premedes no seguinte título seguiredes un enlace ao citado libro:




Esperamos que as súas accións vos resulten inspiradoras.

Para rematar propoñémosvos unhas webs nas que podedes crear a vosa banda deseñada:




13 ene 2020

LULÚ NAS ONDAS



Xa está en marcha a nosa radio escolar. Lulú xa conta cun equipo de traballo que se comprometeu para traballar no Grupo Solidario e que tamén se formou para poder guionizar e gravar programas de radio. O equipo está "capitaneado" por Ana Robles.



AGARESO (Asociación Galega de Reporteiros Solidarios) tivo moito que ver na formación, Rocío empezou formando profesorado do colexio e seguiu co alumnado que dispoñía de tempo e ganas de embarcarse na aventura.

O curso pasado a Biblioteca convocou un concurso para ter un logotipo propio, o da nosa emisora grazas a ela Lulú, a nosa mascota, está nas ondas. E iso significa que pode chegar a calquera recuncho do mundo.
Neste enlace podedes escoitar programas da nosa emisora bibliolulu en Soundcloud https://soundcloud.com/user-594460728
Esta aventura está aberta a toda a comunidade escolar. Dentro de pouco empezaranse a gravar os programas que se desenvolvan nos distintos cursos de Infantil e Primaria.



12 ene 2020

IMOS DESENVOLVENDO UNHA BIBLIOTECA MÁIS INCLUSIVA


Novo mobiliario que se adapte ás características de todo o alumnado; novos fondos, para atender os intereses de cada quen..., e como sempre, respecto e comprensión ás diferenzas.

Con Motivo do Día internacional das persoas con discapacidade, o Equipo de dinamización da biblioteca convocou un concurso de resumos sobre diferentes curtas. Para axudar na súa visualización crítica, elaboráronse tamén unhas fichas que serviron de guías para a elaboración dos resumos.





Grazas a todas e a todos por participar e por valorar que na diferenza construímos un mundo de igualdade! E estes foron os resumos gañadores...

6 ene 2020

MONTSE PENAS VISITOUNOS E OFRECEUNOS MOTIVOS PARA LER...NO NADAL E EN CALQUERA ÉPOCA!



O 11 de decembro visitounos a profesora da área de Didáctica da Lingua e da Literatura na USC, Montse Penas Presas, para ofrecer unha charla á comunidade educativa sobre Literatura e igualdade. Análise de estereotipos. 

 Montse, quen tamén é membro da nosa comunidade educativa, amosounos aspectos nos que, como docentes e familias, hai que fixarse cando se pretende desenvolver unha lectura crítica e baseada na igualdade: desde a edición ata o contido, pasando pola descoberta de novas realidades, o fomento da empatía, as novas temáticas que van aparecendo na LIX en galego, a utilización da linguaxe, escritoras para pór en valor... Toda unha serie de motivos polos que ofrecer lectura, xa que como Montse argumentou, é unha práctica que funciona cando se comparte.

Durante a charla, asemade, amosou diferentes e variados exemplos do exposto, que para o Equipo de dinamización da biblioteca  foron a  inspiración para as recomendacións lectoras de Nadal...Ou de calquera outra época!


A CIENCIA EN GALEGO, TIVO COLOR DE TECNOLOXÍA


No mes galego da ciencia, a biblioteca quixo promocionar a formación STEM.

 Para iso, durante todo o mes de novembro, o alumnado de 6º (que ten a robótica como materia de libre configuración), monitorizou ás usuarias e aos usuarios da biblioteca que quixeron participar en actividades Scratch, Bee-bots e M-boots.

 Todo un éxito o desta forma de ler, que se pretende programar tamén para os  vindeiros trimestres.



2 ene 2020

RECOÑECEMENTO OFICIAL AO NOSO TRABALLO.


O noso centro foi un dos gañadores no VI CONCURSO DE TRABALLOS POR PROXECTOS no contexto do PLAN LÍA (lectura, información, aprendizaxe) de bibliotecas escolares.


 O Proxecto merecedor do Premio foi Pontes para coñecérmonos, desenvolto o curso pasado para observar as similitudes e diferenzas entre Galiza e Tras Os Montes. Partindo de contidos relacionados co currículo das ciencias sociais, das matemáticas, da lingua galega, do inglés e da robótica, o alumnado de sexto configurou con compañeiros e compañeiras da escola Diogo Cao de Vila Real un novo xeito de aprender: facéndose preguntas; buscando información e amosándoa por diferentes medios (vídeos, folletos publicitarios, xogos quiz, programas de robótica, amosando as nosas cidades…),e todo elo dun xeito colaborativo.


 Agradadecementos especiais á profesora de lingua e literatura portuguesas da USC, Isabel Morán quen nos mergullou na cultura lusófona; á tamén profesora da Universidade de Vigo Lourdes Maceiras, que nos deu datos e información sobre a rota do Caminho Minhoto; a Pepe e a Susana, encargados da nosa cociña, con quen practicamente empezamos o proxecto elaborando repostería de Vila Real; ao papá Ricardo Portabales, que nos ensinou a compoñer un xogo quiz…



 Pero sobre todo, moitas grazas á promoción de nenas e nenos de sexto do curso 2018-19 que levou a cabo este proxecto. A súa pegada quedará para sempre no seu cole, no López Ferreiro.