15 dic 2020
27 nov 2020
17 nov 2020
SAMAÍN E MAGOSTO NO LÓPEZ FERREIRO
Estamos nun curso escolar no que as celebracións que nos unen como colectividade, hai que celebralas dun xeito distinto.
E así, para o Samaín, as familias e mais alumnado, xunto co Equipo de actividades extraescolares, organizaron unha decoración especial que nos fixo espantar os medos e divertirnos.
Ademais, nalgunhas clases traballáronse contos de medo. A bruxa Regañadentes, os rapaces de A Figueira de Pelostortos, a cabaza de Corre Corre Cabaciña, os exemplares de Mortiña ou Minimortos, e boa parte da literatura de bruxas e vampiros saiu da biblioteca...E as nenas e os nenos de 6ºA crearon as súas composicións baseadas nos personaxes desta época.
O día 13, celebramos o magosto nas aulas, mais o alumnado de educación infantil, 1º e 2º, realizou outra maneira de ler: programaron os BeeBoots para que souberan avanzar cara unha cantiga do magosto, que ao final debían ler...
No seguinte muro, pode observarse a constancia do realizado.
7 nov 2020
CELEBRAMOS AS LETRAS GALEGAS
O Día das Letras Galegas na nosa biblioteca, foi unha celebración en varias fases.
Comezamos no mes de marzo cun concurso no que se debía buscar información, entre o material da biblioteca, sobre o porqué desta data e o autor homenaxeado, Ricardo Carvalho Calero. Poucos días despois, houbo que confinarse e a actividade quedou interrompida.
Mais sabemos que o xeito de programar tarefas online, veu para quedarse. Por iso, o Equipo de dinamización da biblioteca, ofreceu información na rede e volveu convocar o concurso coincidindo co 17 de maio.
O 28 de outubro, entregáronse os agasallos nas clases ás gañadoras e aos gañadores. Decidiuse que fora nesta data para que a súa importancia non se vira mermada polo Samaín.
A cara de felicidade destas nenas e destes nenos é todo un símbolo de que con xente así, interesada pola nosa lingua e a nosa cultura, o galego poderá vivir mil primaveras máis.
Parabéns!!
24 oct 2020
22 oct 2020
DÍA DAS BIBLIOTECAS NO CEIP LÓPEZ FERREIRO
A lectura sae das páxinas en papel: unha imaxe, un videoxogo, unha curtametraxe...Calquera medio audiovisual, ofrece novas formas de lectura que as nenas e os nenos do S. XXI teñen que aprender a decodificar dun xeito crítico.
No Día das bibliotecas ímolo intentar! Lulu agarda que vexades estas curtametraxes, e que logo, nos enviedes a vosa opinión xustificada desde o respecto e a crítica construtiva.
Para as nenas e nenos de educación infantil, e tamén para 1º e 2º de educación primaria, presentamos O incrible neno devorador de libros.
Despois do vídeo, aparecen unhas fichas orientativas para analizar e comentar esta curtametraxe.
E para as nenas e nenos e 3º, 4º e 5º, aquí está a historia de Los fantásticos Libros Voladores del Sr. Morris Lessmore, así como as fichas que se poden acompanar na súa análise e reflexión.
21 oct 2020
A BIBLIOTECA DE LULU, ÁBRECHE AS PORTAS...
Lulu botaba de menos a presenza das nenas e dos nenos do López Ferreiro na súa biblioteca.
Así que adaptouna ás normas da situación Covid, e xa houbo quen lle fixo unha visita.
As súas portas para a lectura seguen abertas...
8 oct 2020
ACTIVIDADES DE FOMENTO DA LECTURA
Algunhas propostas para atraer dun xeito lúdico o mundo do libro, e da lectura, ás nenas e aos nenos.
22 sept 2020
XEOGRAFÍAS LECTORAS E ESCRITORAS: HAI QUE COÑECELAS
Na sociedade do S.XXI, e aínda máis nos tempos que nos toca vivir, a lectura e a escritura tamén se adaptan: o papel e os lapis, van deixando paso a novas ferramentas coas que comunicarse.
As bibliotecas non poden, nin deben, ser alleas a esta realidade social, polo que no Proxecto Documental Integrado deste curso, as nenas e os nenos experimentarán coa tecnoloxía para localizar as informacións e dárnolas a coñecer.
Todo unha experiencia na que haberá que remar (ás veces contra a corrente), escalar, patinar, planear, viaxar, divulgar...E sobre todo, descubrir.
De seguro que estas ferramentas axudarán no proceso de lectura e de escritura que este curso se propón ao xeito das xeografías lectoras (e escritoras).
30 jun 2020
2 jun 2020
A BIBLIOTECA TAMÉN CONTRIBÚE AO USO DE MÁSCARAS
A fin do curso vaise achegando, mais con respecto ás semanas anteriores o cambio é que agora para saír teremos que levar máscaras tanto nenos como maiores.
Cara o vindeiro curso case seguro que voltaremos todos e todas a escola con máscaras e distancia social. Para explicar ás máis pequenas e pequenos da casa que a máscara non é un disfrace, presentamos estes contos que pretenden axudarlles a entender mellor as novas circunstancias.
Os disfraces quítanse e póñense, tócanse e gárdanse no caixón dos xoguetes. Pero a máscara non é un xoguete: temos que poñela e quitala con coidado, ademais dá calor e ás veces pica... Probablemente un elemento tan indispensable para o vindeiro curso como a mochila.
Cara o vindeiro curso case seguro que voltaremos todos e todas a escola con máscaras e distancia social. Para explicar ás máis pequenas e pequenos da casa que a máscara non é un disfrace, presentamos estes contos que pretenden axudarlles a entender mellor as novas circunstancias.
Os disfraces quítanse e póñense, tócanse e gárdanse no caixón dos xoguetes. Pero a máscara non é un xoguete: temos que poñela e quitala con coidado, ademais dá calor e ás veces pica... Probablemente un elemento tan indispensable para o vindeiro curso como a mochila.
8 may 2020
DÍA DAS LETRAS GALEGAS 2020
Preparámonos para celebrar o Día das Letras Galegas. Farémolo fóra da escola, pero queremos achegarvos igualmente información e actividades sobre a figura homenaxeada, Ricardo Carballo Calero. Deste xeito poderedes achegarvos a este autor desde a casa.
En primeiro lugar, premendo na imaxe podedes consultar unha presentación sobre a vida e obra do autor ferrolán. Este enlace lévavos á aula virtual do colexio. Se vos pide algún contrasinal, premende en acceso como convidado.
Álbum ilustrado co texto orixinal do relato "As pitas baixo a choiva", publicado por don Ricardo Carvalho Calero na revista arxentina Lar en 1952.
Os máis pequenos tamén podemos facer actividades co libro As pitas baixo a choiva.
En primeiro lugar, premendo na imaxe podedes consultar unha presentación sobre a vida e obra do autor ferrolán. Este enlace lévavos á aula virtual do colexio. Se vos pide algún contrasinal, premende en acceso como convidado.
Despois de consultar a presentación, xa estades preparadas e preparados para completar as actividades interactivas, ás que podedes acceder premendo nesta outra imaxe:
"As pitas baixo a choiva", de Ricardo Carvalho Calero
Álbum ilustrado co texto orixinal do relato "As pitas baixo a choiva", publicado por don Ricardo Carvalho Calero na revista arxentina Lar en 1952.
7 abr 2020
MES DO LIBRO ... DESDE A CASA
Neste mes de abril (o mes do libro por excelencia), a nosa comunidade educativa anímanos a ler cunhas suxestións altamente recomendables.
Dámoslle as grazas a participantes.
Desfrutade de boas lecturas e compartídeas!
29 mar 2020
SUXESTIÓNS PARA UN TEMPO DE CUARENTENA
O Principiño.
Algunhas editorias subiron á rede diferentes títulos, e mesmo nalgúns casos clasificados por idades. Como sempre dicimos, esa clasificación é orientativa, xa que o importante é que a lectura nos deixe un pouso e nos reformule dúbidas e preguntas…Probamos a intentalo?
Clicade en cada editorial e seguro que encontrades unha lectura que vos espera:
CONTOS NARRADOS (axeitados para quen se inicia na lectura)
PANDEMIA DE CONTOS (tradición oral galega)
TE QUIERO CASI
SIEMPRE
O MOUCHO ABURRIDO (Paula Carballeira)
EL CAZO DE LORENZO
¿DE QUÉ ESTÁN HECHAS LAS NIÑAS FLAMENCAS?
O MOUCHO ABURRIDO (Paula Carballeira)
EL CAZO DE LORENZO
¿DE QUÉ ESTÁN HECHAS LAS NIÑAS FLAMENCAS?
HISTORIAS PARA A INCLUSIÓN EDUCATIVA
Algunhas nenas e algúns nenos necesitan apoios especiais para entender o que contan as lecturas. Aquí atoparán algún recursos:
Preténdese que interioricen as precaucións que hai que tomar estes días fronte ao #Covid_19 transmitíndolles unha mensaxe de esperanza e de valor na vida. Presentamos a versión adaptada a pictogramas de ARASAAC e LSE do conto orixinal.
Conto interactivo subtitulado con pictogramas de ARASAAC no que se vai "debuxando" pouco a pouco o gato coas fichas do Tangram.
Sabela ten que quedar na casa por mor do coronavirus. Descubre como pasa o tempo e canta a súa canción!
PARA VIAXAR E COÑECER DESDE A CASA
3. Machu Picchu.
4.O palacio de Versalles.
6. Río de Janeiro.
XOGOS E MANUALIDADES
O xogo do tabú en galego (non se pode definir coas palabras prohibidas).
Xogo de enredos elaborado polo alumnado do IES de Carral
Coronavirus Material descargable con información, e fichas para xogar e pintar.
C
CURTAS
A maior flor do mundo (baseado na obra de Jose Saramago)
TEATRO
APPS
CÓMIC
HISTORIAS
EN DISTINTAS LINGUAS
PROGRAMACIÓN
E ALGO PAROU A NOSA ACTIVIDADE
O día 12, despois do recreo, recibimos a noticia...
Estabamos, dalgún xeito, en obras na nosa biblioteca, xa que andamos na teima de habilitar a sala de usos múltiples como un espazo a maiores para as actividades dunha biblioteca creativa. Menos mal que deu tempo a colocar a tarima para o teatro e as conferencias!
O Día de Rosalía, cadrou co Entroido. Así que decidimos xuntar a súa celebración xunto a do 8 de marzo: cada clase estaba a recrear un poema de denuncia social de Rosalía, para logo visualizalo no patio. Mesmo os expositores xa estaban mercados e no centro!
E para o Día da poesía, queriamos encher con versos o noso patio: as tiras de fitas, escritas polas nenas e nenos, tiñan que voar co vento para levar os nosos poemas.
E o VI concurso de poesía, que nesta ocasión chamaríase "Poemas ao Pichel," quedou sen convocarse...
E non nos deu tempo a recibir a Teresa González Costa, a Héctor Cajaraville, a Helena Villar Janeiro, a Pere Tobaruela, a Paula Carballeira..., con quen xa tiñamos día e hora apalabrados para que nos acompañaran.
E o Club de lectura, no que iamos coincidir as dúas seccións que se levan a cabo, para ler Un estraño agasallo.
E o Concurso das Letras Galegas que xa comezaramos na biblioteca.
Si, un mes repleto de actividades que un virus con coroa, como se fose o protagonista dun conto, nos fixo parar...
Pero xuntas e xuntos imos conseguir que pronto nos encontremos e retomemos estas actividades aínda con máis ánimo, máis motivación e máis forza para levalas a cabo.
As heroínas e os heroes dos nosos libros, son os que loitan contra as dificultades, e nunca se deixan vencer.
Saúde a todas e mais a todos, que xa nos queda menos para a volta. Pero mentres, mirade algunhas das miñas propostas.
Lulu.
ROTA ROSALIANA POR COMPOSTELA: CEIP DE PALMEIRA E LÓPEZ FERREIRO
O alumnado de 5º do CEIP López Ferreiro, está a realizar un "Proxecto correspondencia" co CEIP de Palmeira.
O martes, 10 de marzo, no marco da celebración do Día de Rosalía e do Día Internacional da muller, o alumnado de Ribeira foi recibido polos nosos escolares, que lle amosaron os lugares significativos de Compostela en relación coa biografía da poetisa...E, por outra banda, as compañeiras e compañeiros de Ribeira traían preparados os poemas para ler en cada un dos lugares que visitamos.
Unha experiencia realmente máxica, tanto polo coñecemento que lles aportou da obra e da vida de Rosalía de Castro, como pola boa convivencia que amosaron as e os representantes dos dous centros.
E é que, en definitiva, ROSALÍA UNE.
28 mar 2020
8 DE MARZO: DÍA INTERNACIONAL DA MULLER
Estase a desenvolver no centro o PFPP "A coeducación emocional, afectiva e sexual dende unha perspectiva de xénero".
Para celebrar o 8M, este grupo de traballo decidiu que había que visibilizar ás mulleres baixo o título de "Pegadas".
E que mellor para iso que un zapato feminino? O alumnado de diferentes clases, comandado polas profes de cuarto de educación infantil, trouxo diferentes modelos que se foron colocando con imaxes e sinxelos textos alusivos ás persoas que representaban.
O resultado? Unha exposición espectacular, na que se mistura a linguaxe icónica e a escrita, ao tempo que se aprende a buscar información.
27 mar 2020
ROSA ANEIROS E EVA MEJUTO NA NOSA BIBLIOTECA
Xa vén sendo habitual que, no segundo e terceiro trimestres de curso, nos acompañen diferentes autoras e autores para comentarmos as súas obras, as estratexias que seguen para escribir, o nacemento da súa inquietude lectora e escritora...
O 26 de febreiro, o alumnado de 5º interaccionou sobre estas e outras cuestións con Rosa Aneiros. Os personaxes de Xelís, o guieiro das botellas de mar encheron boa parte da conversa. Pero o que máis lles impactou, foi a relevancia dos microplásticos, e a súa incidencia na contaminación mariña.
Rosa suxeriu ter moito coidado nas praias coas cabichas, paus de chupa-chups, envoltorios, tapóns, bolsas, anacos de redes ou de cordas de nailon, e sobre todo, cos bastonciños de algodón. Ademais de lixar a paisaxe, constitúen un perigo para a fauna e a flora mariña, e por tanto, para os seres humanos, xa que nós alimentámonos delas.
E o 1 de marzo, as nenas e os nenos de 1º, contaron coa presenza de Eva Mejuto, de quen xa tiñan lido o seu gran éxito Dez gatiñas viaxeiras. As gatiñas de Eva, percorren Galiza coas súas mochilas; e as nosas nenas e os nosos nenos, viaxaron compoñendo historias coa autora. E para iso, utilizaron o seu mellor medio: a imaxinación.
Esperamos con ansia xa a Teresa González Costa, a Héctor Cajaraville, a Helena Villar Janeiro, a Pere Tobaruela, a Paula Carballeira..., e a todos vós, as lectoras e os lectores dos seus libros.
E o 1 de marzo, as nenas e os nenos de 1º, contaron coa presenza de Eva Mejuto, de quen xa tiñan lido o seu gran éxito Dez gatiñas viaxeiras. As gatiñas de Eva, percorren Galiza coas súas mochilas; e as nosas nenas e os nosos nenos, viaxaron compoñendo historias coa autora. E para iso, utilizaron o seu mellor medio: a imaxinación.
Esperamos con ansia xa a Teresa González Costa, a Héctor Cajaraville, a Helena Villar Janeiro, a Pere Tobaruela, a Paula Carballeira..., e a todos vós, as lectoras e os lectores dos seus libros.
9 mar 2020
OBRADOIRO "MANGA"
Durante o mes de febreiro, nenas e nenos de 5º organizaron un taller de manga para alumnado de 3º,4º e 5º. A actividade tivo lugar durante os recreos dos martes.
Unha maneira de coñecer outros modos de expresarse e outra cultura desde a perspectiva infantil!
Suscribirse a:
Entradas (Atom)